Nou resevwa anpil mesaj prive de sitwayen dominiken ki inbox nou, gen nan yo se nasyonalis dominiken. Ki vle di dominiken yo trè aktif.

crédit par Cyrus Sibert, Okap, Ayiti 

Nan sans sa, vye rimè kap sikile di Prezidan Aysyen Jovenel Moise mande pou tout aysyen rantre lakay yo kapab manipilasyon sèvis dominiken yon fason pou jwe nan lespwi imigran yo fè yo rantre lakay yo. Konsa tou, yo ka fè sikile imaj kap montre pil moun mouri pa bann e pa pakèt pou kreye lapèrez.



Raptriman koute anpil lajan pou leta dominiken ki oblije peye transpò, peye moun pou fè travay la e latriye. Se yon depans pèmanan san rete pou yo. Li tap pibon pou yo si ak manipilasyon aysyen rantre lakay yo. Sak pi grav la gen aysyen kap travay ak dominiken yo nan sans sa.Kidonk, nou dwe pridan. Paske pandan nou menm aysyen ap minimize rezo sosyo oubyen itilize’l pou nou ranse betize, anpil peyi konsidere’l kòm yon zam nan nouvo teknik batay yo, e menm nan yon fòm laguè yo rele « Guerre Asymétrique »Anpil moun kapab pa wè sa, men eleksyon 24 janvye 2016 yo te anile paske yo te piblye sou rezo sosyo yo, foto yon timoun ki mouri ak inifòm lekòl sou li aprè vyolans opozisyon an nan dat 22 janvye 2016. Foto sa pat verite, sete yon bagay kite pase. Premye minis Evans Paul KP te eksplike koman foto sa te choke prezidan Martelly epi pouse’l aksepte anile eleksyon yo.



Yo egzanp ki demontre feblès leta Ayiti ki pa menm gen yon pwotokòl pou verifye oubyen otantifye yon imaj foto oubyen video avan responsab yo pran gwo desizyon.Sa se yon bagay grav ki montre ke non selman peyi-a bezwen yon lame, men tou li bezwen yon bon sèvis ransèyman pou pwoteje leta epi defann enterè li.

fake news

crédit par Cyrus Sibert, Okap, Ayiti
Publicités